Wednesday, October 24, 2012

koyi jab tumhaaraa hriiday tod de


koyi jab tumhaaraa hriiday tod de
tadaptaa huaa jab koyi chhod de
tab tum mere paas aanaa priye
meraa dar khulaa hai khulaa hi rahegaa
tumhaare liye, koyi jab �

abhi tumko meri zaroorat nahin
bahut chaahne waale mil jaayenge
abhi roop kaa ek saagar ho tum
kanval jitne chaahogi khil jaayenge
darpan tumhen jab daraane lage
jawaani bhi daaman chhudaane lage
tab tum mere paas aanaa priye
meraa sar jhukaa hai jhukaa hi rahega
tumhaare liye, koyi jab �

koyi shart hoti nahin pyaar mein
magar pyaar sharton pe tumne kiyaa
nazar mein sitaare jo chamke zaraa
bujhane lageen aarti kaa diyaa
jab apni nazar mein hi girne lago
andheron mein apne hi ghirne lago
tab tum mere paas aanaa priye
ye deepak jalaa hai jalaa hi rahega
tumhaare liye, koyi jab 

No comments: